حجة الاسلام علامه شفاء نجفي حفظه الله ۽ مولانا تصور حسين حفظه الله، (جيڪي هن وقت بيلجيم ۾ مقيم آهن)، نجف اشرف ۾ مرجعِ عالي قدر آيت الله العظمى حافظ بشير حسين نجفي دام ظلّه الوارف جي مرڪزي دفتر ۾ ملاقات ڪئي۔

ان ملاقات دوران مرجعِ عالي قدر دام ظلّه الوارف حضرت امام حسين عليه السلام جي عظمت جو ذڪر ڪندي فرمايو:

“آخرت ۾ جڏهن مؤمنن کي امام حسين عليه السلام جي زيارت جو شرف نصيب ٿيندو ته اُهي امام حسين عليه السلام جي زيارت کان ڪڏهن به سير نه ٿيندا۔”

اڳتي فرمايائون:

“ڪجھ قرآني آيتون به ان ڳالهه ڏانهن اشارو ڪن ٿيون ته جنت جا دروازا تيسين نه کلندا، جيستائين امام حسين عليه السلام جي زيارت ڪندڙ مؤمنن کي جنت ۾ داخل نه ڪيو ويندو۔”

ٻئي پاسي، ان ملاقات ۾ عالمن مرجعِ عالي قدر دام ظلّه الوارف جي صحت بابت پڇا ڳاڇا ڪئي ۽ سندن ڊگهي ڄمار لاءِ دعا ڪئي۔

مرجعِ عالي قدر دام ظلّه الوارف سندن ديني خدمتن کي ساراهيندي، سندن توفيقاتِ خير ۾ واڌاري لاءِ به دعا ڪئي۔