Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bəsrə şəhərindəki nümayəndəsi Həzrət Əbuz-Zəhra Muhəmmədin (s) həyatı və sirəsindən bəhs edən seminarda iştirak edib.

Şeyx Həmid Maliki seminar zamanı çıxış edərək bildirib ki, Allahın ən uca Peyğəmbərinin (s) mövludu onun həyat yolunu və gözəl əxlaqını xatırlamaq, həmçinin onun bəşəriyyətə təqdim etdiyi yüksək prinsip və dəyərləri özümüz üçün nümunə götürmək baxımından mühüm bir fürsətdir.

O əlavə edib ki, böyük İslam Peyğəmbəri Muhəmmədin (s) həyatı və sirəsi haqqında danışmaq bəşəriyyətin tanıdığı ən böyük əxlaqi və insani məktəb haqqında danışmaq deməkdir. O həzrət mərhəmət, doğruluq, əmanətdarlıq və gözəl əxlaqın bariz nümunəsi idi. Bizim vəzifəmiz isə bu dəyərləri gündəlik həyatımızda yaşatmaqdır. Uca Allah Öz müqəddəs Kitabında buyurur: “Şübhəsiz ki, sən böyük bir əxlaq üzərindəsən”. (Qələm 68/4)

O, həmçinin qeyd edib ki, əziz Peyğəmbərimizin (s) həyat və fəaliyyətinin öyrənilməsi yalnız müəyyən əlamətdar günlərlə məhdudlaşmamalıdır. Əksinə, bu, həyatımızda davamlı bir həyat tərzinə və məktəbə çevrilməlidir. Bunun yolu isə onun gözəl əxlaqını, davranışlarını və təlimlərini özümüz üçün nümunə götürmək və bu dəyərləri gələcək nəsillərə ötürməkdən keçir.