Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bəsrə şəhərindəki nümayəndəsi şəhərin dəyərli sakinlərindən təşkil olunmuş könüllü iş qruplarından birini, komandanın ümumilikdə cəmiyyətə xidmət sahəsində göstərdiyi böyük səylərə görə təltif etmişdir.

Şeyx Müsənna Rubeyi bildirib ki, Mədinə bölgəsində fəaliyyət göstərən “Əl-Əməl” Humanitar Könüllülər Komandasının gördüyü işlər könüllü və humanitar fəaliyyətin parlaq nümunəsidir. Belə ki, komandanın üzvləri insanlara xidmət etmək, ehtiyacı olan ailələrin yanında olmaq istiqamətində əhəmiyyətli sahə fəaliyyətləri həyata keçirirlər. O vurğulayıb ki, bu cür işlər təqdirə, təşviqə və dəstəyə layiqdir.

O əlavə edib: “Bu görüş zamanı biz “Əl-Əməl” komandasındakı qardaşların səylərini yüksək qiymətləndirməyə və onların həyata keçirdikləri humanitar və ictimai təşəbbüslərə görə təşəkkür əlaməti olaraq onları təltif etməyə xüsusi diqqət göstərdik. Həmçinin onlara hörmətli mərcəi-təqlidin (kölgəsi davamlı olsun) salamını və duasını çatdırdıq. Bu, onların göstərdikləri səylərin qiymətləndirilməsi və cəmiyyətə xidmət yolunu davam etdirməyin əhəmiyyətinin vurğulanması məqsədi daşıyır”.

O həmçinin bildirib ki, insanlara xidmət insanın həyatında gözəl iz buraxan əməllərdəndir. Könüllü fəaliyyət yalnız yardım göstərməklə məhdudlaşmır, həm də cəmiyyət üzvləri arasında qarşılıqlı həmrəylik, mərhəmət və əməkdaşlıq dəyərlərinin möhkəmlənməsinə mühüm töhfə verir.