نجف اشرف: پاڪستاني زائرن جي هڪ وفد مرجع عالي قدر (دام ظله الوارف) سان ملاقات ڪئي، جنهن ۾ زيارت جي روحاني اهميت ۽ عملي زندگي تي ان جي اثرن تي ڳالهيون ڪيون ويون.

ملاقات دوران مرجع عالي قدر (دام ظله الوارف) زائرن کي نصيحت ڪندي زيارت کي هڪ عظيم روحاني موقعو قرار ڏنو. پاڻ خاص طور تي امام حسين عليه السلام جي زيارت جي فضيلت کي اجاگر ڪندي فرمايو ته زائرن کي اخلاص ۽ عاجزيءَ سان زيارت ڪرڻ گهرجي.

مرجع عالي قدر (دام ظله الوارف) زائرن کي تلقين ڪئي ته زيارت دوران دعائن جي قبوليت لاءِ الله ڏان رجوع ڪن ۽ زيارت کي پنهنجي زندگي ۾ مثبت تبديلي جو ذريعو بڻائين. پاڻ وڌيڪ فرمايو ته زيارت جو حقيقي مقصد روحاني پاڪيزگي ۽ عملي زندگي ۾ نيڪ تبديليون آڻڻ آهي.

وفد جي ميمبرن ملاقات جي پڄاڻيءَ تي مرجع عالي قدر (دام ظله الوارف) جو قيمتي وقت ڏيڻ ۽ رهنمائي فراهم ڪرڻ تي شڪريو ادا ڪيو. اها ملاقات زائرن لاءِ سندن روحاني سفر ۾ وڌيڪ استحڪام ۽ شعور پيدا ڪرڻ جو ذريعو بڻي.