Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bəsrə şəhərindəki nümayəndəsi Şafi bölgəsində yerləşən yetimlər üçün “Darul-Fərəh”də qeydiyyatda olan ehtiyaclı ailələrə yüzlərlə ərzaq bağlaması paylamışdır.

Şeyx Müsənna Rubeyi paylama prosesinə nəzarət edərkən bildirib ki, Şafi bölgəsindəki “Darul-Fərəh”də qeydiyyatda olan ailələrə ərzaq bağlamalarının paylanması bizim bu dəyərli ailələr qarşısındakı insani və ictimai məsuliyyətimizin bir hissəsidir.

O bildirib ki, yetimlərə və onların ailələrinə xidmət göstərmək, onların yanında olmaq və onlara dəstək vermək insani və əxlaqi bir vəzifədir. Biz də imkanlarımız daxilində bunu davam etdirməyə çalışırıq. Çünki bu insanlar bizim diqqətimizə, qayğımıza və dəstəyimizə layiqdirlər. Daim çalışırıq ki, belə təşəbbüslər ailələrin üzərindəki maddi yükü müəyyən qədər azaltsın və onların gündəlik yaşayış ehtiyaclarının bir qismini təmin etsin.

O əlavə edib: “Yardımdan faydalanan ailələrdə gördüyümüz səmimi münasibətdən, onların minnətdarlıq və dualarından böyük məmnunluq duyuruq. Bu xoş sözlər fəaliyyətimizi davam etdirmək və daha çox humanitar xidmət göstərmək üçün bizim üçün böyük bir təşviqdir. Nümayəndəliyin məsuliyyəti yalnız ərzaq yardımı göstərməklə məhdudlaşmır. Yetimlər üçün “Darul-Fərəh”in rəhbərliyi ilə əməkdaşlıq çərçivəsində ailələrə diqqət göstərmək və müxtəlif xidmətlər, o cümlədən humanitar və tibbi xidmətlər göstərmək, eləcə də onları yaxşı qarşılamaq və qayğı ilə təmin etmək də bu məsuliyyətə daxildir”.

O həmçinin bildirib ki, bu təşəbbüs zamanı bir sıra yardım alan ailələr iştirak edib və tədbir məhəbbət və qarşılıqlı əməkdaşlıq ab-havasında keçib. “Darul-Fərəh”də qeydiyyatda olan ailələrə ərzaq bağlamaları təqdim olunub.

Bu yardım “Darul-Fərəh”in yetimlərə və onların ailələrinə xidmət göstərmək, onların yanında olmaq məqsədilə həyata keçirdiyi proqramlar çərçivəsində reallaşdırılıb.