نجفِ اشرف:  مرجعِ مسلمِين و جهانِ تشيّع حضرت آيتُ اللهِ العُظمىٰ الحاج حافظ بشير حسين نجفي ( دامَ ظِلُّهُ الوارِف ) نجفِ اشرف ۾ پنهنجي مرڪزي دفتر ۾ عراق لاءِ يورپي يونين جي سفير ڪليمينس سيمٽنر ۽ سندس ساٿين تي ٻڌل وفد جو استقبال ڪيو.

ملاقات دوران عالمي سطح تي انساني نوعيت جي مختلف معاملن تي خيالن جي ڏي وٺ ڪئي وئي۔ مرجعِ عالي قدر ـ دامَ ظِلُّهُ الوارِف ـ ان ڳالهه تي زور ڏنو ته يورپي مشن عراق بابت پنهنجون سرڪاري ذميواريون اهڙي انداز سان نڀائي، جو قومن جي خدمت جو سبب بڻجن، ۽ معاشي، علمي ۽ سماجي ميدانن سميت سڀني پهلوئن ۾ بهتري آڻي سگهن۔

ان سان گڏوگڏ، قومن جي سڃاڻپ ۽ تشخص جي احترام جي اهميت تي خاص ڌيان ڇڪايو، خاص طور تي عراقي عوام جي سڃاڻپ ڏانهن، جيڪي ڌرتيءَ جي سڀ کان قديم ۽ اوائلي تهذيبن جا وارث آهن۔

ٻئي پاسي، يورپي يونين جي سفير عراق ۾ پنهنجي سفارتي مشن جي ذميوارين بابت تفصيلي جائزو پيش ڪيو ۽ حسنِ استقبال ۽ بابرڪت وقت عطا ڪرڻ تي دل جي گهراين سان شڪريو ادا ڪيو.