Sual:"Hilalın halqa şəkli alması" ifadəsindən məqsəd nədir? Bu, onun iki ucunun çıxmasıdır, yoxsa ətrafında nurdan bir həlqənin olması?

Cavab:Allahın adı ilə. Ayın və hilalın bütün hissələrini əhatə edən dairəvi bir işıq halqasının olması labüddür. Allah bilən və hidayət edəndir.

Sual:Əgər şəxs öz şəxsi inamına əsaslanaraq hilalın doğmasına dair astronomik hesablamaların doğruluğuna əmin olarsa, bu inama əsaslanaraq ayın başlanğıcını və ya bayramı təsdiq etmək mümkündürmü? Xüsusilə də bu hesablamalar bu sahədə mütəxəssislər tərəfindən verilmişdirsə?

Cavab:Allahın adı ilə. Bil ki, ey oğlum, yalnız hilalın doğulduğunu bilmək və ya ona dair əminlik kifayət etmir. Ayın birinci günü hesab edilməsi üçün hilalın dünyanın hər hansı bir yerində adi gözlə açıq şəkildə görülməsi mütləqdir. Əgər bu müşahidə gerçəkləşərsə, o zaman hilal ilə ayın başlanğıcı sabit olacaq. Allah bilən və hidayət edəndir.

Sual:Mükəlləfin məmləkətində hilalın sabit olması üçün ayın görüldüyü ölkə ilə gecənin bir hissəsində olsa belə müştərək olmasının kafi olması ilə bağlı Seyid Xoyinin (Allah rəhmət etsin) məbnasının açıqlanmasında fikirlər müxtəlifdir. Seyidin (Allah rəhmət etsin) nəzərində bu müştərəklik səhərə qədər davam edir, yoxsa gün çıxana qədər?

Cavab:Allahın adı ilə. Bizə məlum olan böyük ustadın (Allah rəhmət etsin) rəyi günəş çıxana qədərdir. Allah daha yaxşı bilir.

Sual: Asteroloji hesablamalara etimad etməklə ay sabit olarmı?

Cavab: Allahın adı ilə, Özü özlüyündə şəri dəlil hesab olunmaz. Lakin bu hesablamalardan elm və xatircəmlik əldə olunarsa, o, elm və xatircəmliyə əməl etmək vacib olar. Allah daha yaxşı biləndir.

Sual: Ayın sabit olması böyüdücü cihazlarla sabit olar? Yoxsa çılpaq gözlə görünməlidir?

Cavab: Allahın adı ilə, Ayın cihazla yerinin təyin olması icazəlidir. Sonra gözlə görülərsə, şəri hökmə əsasən ay sabit olar. Allah daha yaxşı biləndir.

Sual: Ayın əvvəlində yeni ayın daxil olmasını axtarmaq vacibdir yoxsa müstəhəb?

Cavab: Allahın adı ilə, Müstəhəbdir. Vacib deyildir. Ramazan ayının əvvəlini və Şəvval ayının əvvəlini və vəzifəsi həcc etmək olan şəxs üçün Zil hiccə ayının əvvəlini təyin etməyə kimin imkanı varsa o, şəxslərə vacib olar. Allah daha alimdir.