Sual: Vəliyyi-fəqih hansı sifətlərə malik olmalıdır?

Cavab: Allahın adı ilə. Fətva vermək üçün bütün şərtləri özündə cəm edən camei şərait və vilayəti fəqih nəzərinə sahib olmalıdır.

Sual: Fəqihin vilayətinin mütləq olması bəhsində mütləq kəlməsinə sizin rəyiniz nədir?

Cavab: Allahın adı ilə. Mütləq kəlməsi o mənadadır ki, fəqih məsum imamın (ə.s) naibidir, Məsumlara xass olan bütün işlərdən başqa bütün idarəçilik işlərində səlahiyyət sahibidir.

Sual: Bu doğru mudur ki, Seyid Xoi (r) "Minhacus-salihin" kitabında fəqihin vilayətinin mütləq olduğunu qeyd etmişdir? Bəzi şəxslər belə iddia edirlər. Siz isə Seyidin tələbələrindən biri olaraq, bu sualı cavablandırmağa layiq və bacarıqlısınız.

Cavab: Allahın adı ilə. Seyid Xoi (r) fəqihin vilayətini mütləq bilmir. Əksinə, Fəqihin ayın sabit olması üçün hökm verməyə haqqı olmadığı görüşünə sahibdir.

Sual: Vəliyyi-fəqihin hökm vermə yerləri hansılardır?

Cavab: Allahın adı ilə. Hökm vermə yerləri məhduddur. Ən bariz nümunəsi ayın sabit olması hökmü, müsəlmanların ümumi işlərində olan vilayətidir. Allah daha yaxşı biləndir.