Ayətullah əl üzma Şeyx Bəşir Hüseyn Nəcəfi (kölgəsi davamlı olsun) sonuncu cərrahi əməliyyatdan və evə buraxıldıqdan sonra onun səhhətini yoxlamaq üçün müqəddəs Nəcəful-Əşrəf şəhərində bir sıra dini və ictimai müəssisələrin müdür və şəxsiyyətlərini qəbul edib.

Hörmətli mərcəi təqlid (kölgəsi davamlı olsun) çıxışında vurğuladı ki, Əmirul-möminin (ə.s) təqvalıların imamıdır. Bütün onu sevənlər təqvalı olmalı və Allahın razılığını qazanacaq şəkildə Əmirul-mömininin (ə.s) həqiqi şiələri olmaq və Qiyamət günü onun şəfaətinə nail olmaq üçün çalışmalıdırlar. 

Hörmətli mərcəi təqlid (kölgəsi davamlı olsun) Əhli-Beytin (ə.s) hədislərində hər bir əməl və sözə görə insanın özünü hesaba çəkməsi vurğulanır, bəzi hədislərdə isə bu əməlin vacib olduğu izah edilir. Çünki bu, fərdin islahatına, müsbət və düzgün quruculuğa doğru dəyişməsinə böyük təsir göstərir.

Hörmətli mərcəi təqlid (kölgəsi davamlı olsun) təkidlə vurğuladı ki, ziyarətin qəbul olunmasının əlaməti ziyarətçinin rəftar və əxlaqında müsbət dəyişiklik, xəta və günahları tərk etməsidir.

Bu dəyişiklik cəmiyyətin davranışında müsbət dəyişikliyə təsir edəcək, ona görə də ziyarətçi cəmiyyət üçün örnək və müsbət islahatlar və dəyişmək üçün mənbə olmalıdır.

Hörmətli mərcəi təqlid (kölgəsi davamlı olsun) möminin öz elmini və yolunu Əhli-Beytdən (ə.s) almasının vacibliyini vurğuladı. Çünki onlar haqq və həqiqi Muhəmmədi İslamı təmsil edirlər. Və işarə etdi ki, bəzi sapmış insanlar münhərif fikirləri irəli sürməklə Əhli-Beytin (ə.s) məzhəbini təhrif etməyə çalışırlar. Hər kəs bu azğın fikir və əməllərlə mübarizə aparmalıdır.